महाराष्ट्राच्या अस्मितेची ध्वजा जगाच्या काना कोपर्‍यात जाऊन पोहचावी याप्रेरणेने आम्ही Discover Maharashtra हा उपक्रम हाती घेतले आहे. Discover Maharashtra वरून महाराष्ट्राचा सोनेरी इतिहास, महाराष्ट्राची संस्कृती आणि महाराष्ट्राच्या मातीतील माणसे दाखवण्याचा हा आमचा छोटासा पण प्रामाणिक प्रयत्न आहे.वेबसाईट वरती विविध लेखकांचे ५४ हुन अधिक विषयांवर २७५०+ लेख आहेत.वाचा, शेअर करा आणि महाराष्ट्राचे सोनेरी वैभव जगाला दाखवा. Total Website Views: 84,64,801

त्रिमुखी महादेव मंदिर, सोनई

By Discover Maharashtra Views: 1575 2 Min Read

त्रिमुखी महादेव मंदिर, सोनई, ता. नेवासा –

सोनई अहमदनगर जिल्ह्यातील एक शेती प्रधान गाव. सोनई नाव का तर स्री राज्यातून आल्यावर मच्छिंद्रनाथ व गोरक्षनाथ सोनई येथे थांबले व सोबत असलेल्या सोन्याच्या विटापैकी एक सोन्याची वीट गोरक्षनाथांनी या गावात टाकली असे सांगितले जाते.(त्रिमुखी महादेव मंदिर)

गावातच पुरातन त्रिलिंगी महादेव मंदिर आहे. याची बांधणी साधारण दहाव्या ते तेराव्या शतकात यादवांच्या काळात झालेली दिसून येते. मंदिराच्या ठिकाणी गोरक्षनाथ यांनी सोन्याची वीट टाकलेल्या चे सांगितले जाते तर मंदिराच्या आवारात असलेल्या गुफेत तीन दिवस थांबून तपश्चर्या केल्याचे सांगितले जाते. ती गुफा देखील मंदिर परिसरात आहे. याच मंदिरात चक्रधर स्वामी यांनी महानुभाव पंथाचा प्रसार करताना थांबले असल्याचे कळते. मंदिराच्या सभामंडपात त्यांचे आसन आजही आहे.

मंदिर पूर्वाभिमुख असून मुखमंडप, सभामंडप, अंतराळ व गर्भगृह अशी मंदिराची संरचना आहे. मंदिराला रंगरंगोटी केलेली असून कळस नव्याने बांधण्यात आलेला आपल्याला दिसून येतो. मंदिराचा सभामंडप खुला असून अशा सभामंडपाला ‘रंगमंडप’ असे म्हणतात. सभामंडपातील स्तंभावर विविध शिल्पांकने असून संपूर्ण मंदिर वास्तूत केवळ स्तंभावरच शिल्पांकन केलेले आपल्याला दिसून येते. मुख्य गाभाऱ्यात त्रिमुखी शिवलिंग प्रस्थापित आहे. मंदिर परिसरात ऑइल पेंटने रंगवलेल्या काही वीरगळी देखील आपल्या दिसून येतात.सभामंडपातील स्तंभावर विविध शिल्पांकने असून संपूर्ण मंदिर वास्तूत केवळ स्तंभावरच शिल्पांकन केलेले आपल्याला दिसून येते. मुख्य गाभाऱ्यात त्रिमुखी शिवलिंग प्रस्थापित आहे. मंदिर परिसरात ऑइल पेंटने रंगवलेल्या काही वीरगळी देखील आपल्या दिसून येतात.

Rohan Gadekar

Leave a comment