कचरगड गुफा, दारेकसा, गोंदिया –
कचरगड गुफा ही आशिया खंडातील सर्वात मोठी नैसर्गिक आणि अपरीचित गुफा आहे. ही गुहा गोंदियाहून ५५ किलोमीटर आत वसलेली आहे. जवळपास २५,००० वर्षापूर्वीची ही अतिप्राचीन गुफा नैसर्गिक आहे. ही गुफा आशियातील सर्वात मोठी नैसर्गिक गुहा आहे. ही गुहा महाराष्ट्र आणि छत्तिसगड सीमेवर असून हा भाग नक्षलग्रस्त भाग ओळखला जातो म्हणून भितीपोटी येथे सहसा पर्यटक येत नाहीत, त्यामुळे ही गुफा अपरीचितच राहीली.
ही गुफा जमिनीपासून ५१८ मीटर उंचीवर स्थित असून गुफेची उंची ९४ फुट आहे. गुफेच्या सुरवातीला १० फुट उंच, १२ फुट रुंद आणि २० फुट लांबीची छोटी गुफा आहे. तिच्या उजव्या बाजूला नजरेत पडते एक महाकाय गुफा. जिचे प्रवेशद्वार जवळपास ४० फुट उंचीचे आहे. बाहेरून या गुफेचा अंदाज लागत नाही. आत गेल्यावर या गुफेचा विस्तार कळतो. आतून ही गुफा २५ फुट उंच, ६० फुट रुंद आणि १०० फुट लांबीची आहे. गुफेच्या एका ठीकाणी वरच्या बाजूला मोठे छिद्र आहे. ज्यातून सतत सुर्यप्रकाश आत येत असतो. आत निर्मळ पाण्याचे झरे आणि पावसाळ्यात छोटे धबधबे सुद्धा बघायला मिळतात. पारीकोपर लिंगो यांनी येथे गोंड धर्माची स्थापना केली होती.
पुराणवास्तूशास्त्रज्ञांना येथे प्राचीन काळी मानवाकडून वापरली जाणारी दगडी हत्यारे सापडली आहेत. या विभागातील आदिवासी गौंड जमातीचे हे पूजास्थान आहे आणि येथील घनदाट जंगलामुळे गिर्यारोहकांसाठी जणू स्वर्गच आहे.घनदाट जंगलामुळे गिर्यारोहकांसाठी जणू स्वर्गच आहे.
Vidarbha Darshan
Written By: Vidarbha Darshan