महाराष्ट्राच्या अस्मितेची ध्वजा जगाच्या काना कोपर्‍यात जाऊन पोहचावी याप्रेरणेने आम्ही Discover Maharashtra हा उपक्रम हाती घेतले आहे. Discover Maharashtra वरून महाराष्ट्राचा सोनेरी इतिहास, महाराष्ट्राची संस्कृती आणि महाराष्ट्राच्या मातीतील माणसे दाखवण्याचा हा आमचा छोटासा पण प्रामाणिक प्रयत्न आहे.वेबसाईट वरती विविध लेखकांचे ५४ हुन अधिक विषयांवर २६५०+ लेख आहेत.वाचा, शेअर करा आणि महाराष्ट्राचे सोनेरी वैभव जगाला दाखवा.

दोधेश्वर महादेव मंदिर, दोधेश्वर (बागलाण)

By Discover Maharashtra Views: 3828 1 Min Read

दोधेश्वर महादेव मंदिर, दोधेश्वर (बागलाण)

नाशिक जिल्हयातील सटाणा शहरापासून १० किमी अंतरावर दोधेश्वर येथे महादेवाचे सुंदर मंदिर असून हा परिसर निसर्गसंपन्न आहे.दोधेश्वर महादेव मंदिर.

हे मंदिर डोंगररांगेत गर्द वनराईत लपलेले आहे. आख्यायिकेनुसार पांडव ज्यावेळी अज्ञातवासात होते त्यावेळी त्यांनी या शिवलिंगाची स्थापना केली. त्यामुळे या लिंगास पांडवेश्वरसुद्धा म्हणतात.

मंदिराचे स्थापत्य यादवकालीन आहे. सभागृह त्यांनतर नंदीगृह पुन्हा पायऱ्या उतरून एक यज्ञगृह व पुढे गर्भगृह. गर्भगृहात अंधार असून शिवलिंग पंचमुखी आहे. मुख्य मंदिराच्या वर आणखी एक शिवालय आहे. त्यास मागून मार्ग आहे.

दोधेश्वर महादेव मंदिराच्या मागील डोंगर रांगेत अनेक नैसर्गिक झरे आहेत. याच झऱ्यांपासून दोध्याड नदी तयार झाली. नदीचे दोन प्रवाह तयार झाले एक मुख्य पिंडीत येतो व दुसरा गोमुखातून वाहतो. मंदिराच्या परिसरात स्नानासाठी स्त्री व पुरुषांसाठी अशी दोन वेगवेगळी कुंड तयार केली आहेत.

महादेव मंदिराच्या उजव्या बाजूच्या टेकडीवर दोन प्राचीन मंदिरे आहेत. मंदिराभोवतालचे डोंगर हे राज्य राखीव वन क्षेत्रात असल्यामुळे येथे दाट झाडी आहे.

शहरापासून अवघ्या दहा कि. मी. अंतरावर असलेल्या श्री क्षेत्र दोधेश्वर येथे श्रावण महिन्यात अनेक महिला व पुरूष भाविक मोठ्या संख्येने पायी जात असतात.

माहिती साभार – माझी भटकंती फेसबुक पेज

Leave a comment